ACTing Minds

Wedi treulio nifer o flynyddoedd yn ymchwilio i’r maes astudiaeth hwn, a sylweddoli ei fod yn aml yn effeithio ar bobl ifanc, credodd Darren mai’r ffordd orau o ymestyn allan i’r rhai sy’n dioddef o bryder ac iselder, oedd drwy ap i helpu i gynyddu pa mor rhwydd yw cael mynediad at gefnogaeth iechyd meddwl er mwyn i nifer o bobl ifanc ymgysylltu ag o. Cyfeirir at y syniad newydd hwn fel ‘troi iechyd meddwl yn gêm’, ac mae wedi profi’n llwyddiant wrth ymestyn allan at bobl ifanc sy’n dioddef, na fyddent o reidrwydd wedi gofyn am gymorth oherwydd y stigma sy’n parhau o gwmpas problemau iechyd meddwl o bosib.

Syniad y gêm yw mynd drwy stori dyn sydd wedi bod drwy lawer o brofiadau trawmatig ac wedi suddo i’r dyfnderoedd. Bwriad y gêm yw ei helpu i oresgyn y meddyliadau a theimladau anodd y mae’n eu hwynebu drwy ddatblygu gogwydd derbyn a gwerthoedd yn ei fywyd. Mae’r gêm yn canolbwyntio ar sut rydych yn symud drwy drawma ac yn gwobrwyo’r chwaraewr pan rydych yn agor i brofiadau emosiynol anodd yn hytrach na cheisio eu hosgoi neu eu celu. Mae hyn yn dod yn ffactor allweddol wrth symud ymlaen drwy’r gêm, drwy ddefnyddio’r sgiliau sy’n seiliedig ar ACT i fynd i’r afael â’ch emosiynau a deall sut i symud ymlaen.

Daeth Darren at AgorIP gan fod ganddo’r syniad a’r logisteg y tu ôl i’r ap hwn, ond roedd angen cymorth i’w wireddu. Ar ôl cyflwyno ymholiad, a chael ei gyfeirio at Reolwr Trosglwyddo Technoleg, cafodd ei gymeradwyo am gefnogaeth gan AgorIP, sy’n rhan o Gronfa Datblygu Rhanbarthol Ewrop drwy Lywodraeth Cymru.  Wedi’i leoli yn Ysgol Reolaeth Prifysgol Abertawe, mae AgorIP yn helpu ymchwilwyr, entrepreneuriaid, a dyfeiswyr fynd â’u heiddo deallusol i’r farchnad a’i wneud yn llwyddiant masnachol.

Roedd AgorIP yn gallu ariannu cwmni gêm fideo arbenigol i helpu Darren i greu’r gêm a chreu’r ap.

Wrth symud ymlaen, mae Darren yn gobeithio datblygu’r ap ymhellach, gan greu lle diogel ar-lein i ddefnyddwyr gysylltu ac adeiladu cymuned, ble gall defnyddwyr gefnogi ei gilydd ac annog ei gilydd i fod yn fwy agored a chefnogol ym maes iechyd meddwl. Gall cael cymuned ar-lein o’r fath helpu pobl sy’n cael trafferth â’u hiechyd meddwl a’u hannog i ofyn am gefnogaeth bellach yn fwy agored yn hytrach na chuddio eu teimladau. Gall hyn fod yn ffordd wych o hwyluso cefnogaeth iechyd meddwl i’r rhai nad ydynt bob amser yn gwybod ble i chwilio amdano, a drwy blatfform, y maent yn gyfarwydd ag o.

Rydym yn edrych ymlaen at weld yr ap yn datblygu, a methu disgwyl gweld sut mae pethau yn mynd!

Mae’r ap wedi cael ei lansio ar siop ap Apple ac Android, ac mae ar gael yn awr.